cernide
/cè-/
cer|ni|de
[CO, TS]
-
s.f.
stor.
tal pl., fuarce armade formade de popolazion civîl che si esercitave cu lis armis cuntune cierte periodicitât, par oblic, e che si impegnave in azions di difese dal teritori:
al istruive lis cernidis armadis di forcjis e falcets par fâur cuintri ai todescs (Alan Brusini, Come tai romançs);
tal incjampament fûr des muris di Udin, a saressin stâts tra mil e cinccent e doi mil oms des cernidis (Carli Pup, Il Friûl de Joibe Grasse dal 1511)
Var. cernite1
-
ancje tal sing., om, pal solit tra i 18 e i 36 agns, che al servive in chê fuarce armade:
"Jop di Madùs, la miôr cernide dal Savorgnan, ah, ah! Nol sta nancje in pîts di tant plen che al è!" (Alviero Negro, Strumîrs e Çambarlans)