centrifuc /-ì-/ cen|tri|fuc [CO, TS]
- adi. fis. che intun moviment circolâr al slontane o che si slontane dal centri: l'urani fissil al ven pressât cuintri des parêts di une fuarce centrifughe che e je plui di 100 mil voltis la fuarce di gravitât (Giovanni Gortani, Lant jù pe Tresemane)
- adi. (fig.) che al slontane o che si slontane di un centri ideâl, politic e v.i.: la division in regjons e va tignude, e va rinfuarçade, cumò che no 'nd è plui pericui di fuarcis centrifughis (Antoni Beline, La Italie raziste, o ben: la ore dai conts)