censure
/-ù-/
cen|su|re
[CO]
-
s.f.
[TS]
stor.
incjarie di censôr, durade in cjarie di un censôr, magjistrât di Rome antighe
-
s.f.
control di une autoritât su publicazions, spetacui, mieçs di informazion o ancje comunicazions privadis in mût di limitâ la libertât, eliminant o proibint contignûts e formis che no son acetâts a nivel politic, ideologjic, religjôs, morâl e v.i.:
lis letaris, che a passavin sot censure, a fevelin di patriotisim, benedizions al Re e al duce, vitorie, coragjo (Checo Tam, La vuere di Checo)
-
ufici e personâl che al fâs chel control:
[e rivave] ogni tant une letare, ma a lis dôs feminis ur rivave dute stricade di neri, che la censure e scancelave cence remission ogni fâ peraule - ancje a la lontane - che al podès pandi alc des operazions di vuere (Gianni Gregoricchio, Trê feminis)
-
(estens.)
cualsisei limitazion ae libertât di espression, comunicazion, informazion e v.i.:
ur è tocjade ai students des scuelis superiôrs di Udin dî la lôr fûr di ogni censure (Redazion La Patrie dal Friûl, Cjastrons su Onde Furlane)
-
s.f.
(fig.)
judizi negatîf:
«Vergognaitsi a dâmi cheste medaie! […] Nuie medaie. O censure a la mê gjernazie o galere a la vuestre» (Riedo Pup, I furlans e i parons)
-
s.f.
[TS]
burocr., dir., polit.
riclam formâl scrit par une colpe o une mancjance:
se Placerean al è stât scomut di vîf, figurìnsi se si conten cumò, che nissun i pues scrivi une letare di censure (Angelo Floramo, Il Vanzeli seont Pre Checo. Ce che a disaressin dal Friûl di vuê, chei che a àn fat la sô storie)
-
s.f.
[TS]
dir.can.
punizion, tant che scomuniche, sospension, interdizion e v.i., dade a un fedêl che al indure tal pecjât