cempli
/cè-/
cem|pli
[CO]
-
s.m.
mani in forme di arc di zeis, seglots, cjaldîrs, cjalderiis e v.i.:
oe! la cjalderie e bol… / da brave, Catarine, / ca il sâl, ca la farine… / po capi! il cempli al scote… (Pieri Çorut, Cui se varès spietade?);
el cempli, bastît cun doi filistrins tor i voi dal podin, al ciulave clop sot el pês de colme (Paolo Bulfone, Nainis)
-
s.m.
cercli di fier des ruedis di cjar:
cuatri ruedis che a clopavin tes buculis fruiadis e i cjavei mâl tignûts adun dai cemplis di fier ducj limâts a fuarce di rodolâsi pes stradis inglereadis dai paîs (Pieri Somede dai Marcs, La cavalarice)
-
s.m.
cualsisei robe che e vedi forme di semicercli, di arc:
il cempli des monts furlanis al ere aromai un vêl sutîl e lindul che al si vualivave al plan (Domeni Zannier, La crete che no vai);
la abside fate a cempli dute plene di pituris (Romano Binutti, I cjiscjei di Partistagn fra storie, archeologjie e leiende)
Proverbis:
- cuant che il seglot al spant, no dî mâl dal cempli
- ogni zei al à il so cempli