celtic
/cè-/
cel|tic
[AF, TS]
-
adi.
stor.
de popolazion indoeuropeane dai Celtis, che si pues riferî a chê popolazion, ae sô culture, ae sô lenghe, ai siei teritoris e v.i.
-
adi., s.m.
che, cui che al fâs part di chê popolazion, o soredut che al faseve part di chê popolazion in ete antighe:
i Carnics che a ocuparin il Friûl a partignivin, duncje, a un ramaç diferent di chei Celtics che, de Svuizare o de Galie, a rivarin ta la alte Italie (Josef Marchet, Cuintristorie dal Friûl dal 1866 fint in dì di vuê);
a ardin insom dal timp i fûcs antîcs dai vons celtics: a balavin intor dal lôr antîc diu Belen (Dino Virgili, La aghe da pît la cleve)
Sin. celte
-
adi., s.m.
ling.
grup linguistic indoeuropean che al cjapave dentri te fase antighe il galic, il celtiberic, il britan, e che vuê al cjape dentri il breton, il cornic, il galês, l'irlandês e il gaelic de Scozie e de Isule di Man:
il festival Nos Ur che, a Inverness in Scozie, al ten dentri ducj i artiscj des lenghis celtichis (Leo Virgili, Liet, une idee in musiche pe Europe)
-
di chel grup linguistic, di une des sôs lenghis:
Monai al à, si crôt, une lidrîs celtiche, che e podarès volê dî "striche, strisse" (Agnul di Spere, Ravasclêt)