catalizadôr
ca|ta|li|za|dôr
[CO, TS]
-
adi.
[TS]
chim.
di sostance, che e favorìs une reazion chimiche e che dilunc dal procès e ven rigjenerade
-
s.m.
chim.
sostance che e favorìs une reazion chimiche e che dilunc dal procès e ven rigjenerade:
intun cilindri che al veve dentri aghe ossigjenade al è stât metût dentri un catalizadôr in polvar (jodûr di potassi) che al à permetût la produzion subite di aghe e ossigjen e che al à causât la jessude dal contignidôr di une sbrume zale e cjalde (la reazion e je esotermiche, ven a stâi e prodûs calôr) (AAVV, Laboratori di chimiche… cul sindic! )
-
s.m.
[CO, TS]
autom.
dispositîf di scaric dai veicui a motôr, che al fâs che lis sostancis plui velenosis e incuinantis produsudis te combustion a vedin trasformazions chimichis in sostancis mancul pericolosis pe salût e pal ambient, pal plui cun procès di ossidazion
-
s.m.
[CO]
(fig.)
element che al favorìs o al jude un procès, une dinamiche, un fenomen, soredut concentrant e metint a pro risorsis, materiâls e imateriâls, che a jerin presintis ma no concentradis:
dilunc de Seconde Vuere Mondiâl al jere a Gjinevre diretôr de riviste "Nouvelle revue de Hongrie", che e fo catalizadôr di fuarcis inteletuâls de Resistence (Redazion La Patrie dal Friûl, Mandi Miklos Hubay);
la Universitât e pues tornâ a jessi ce che i siei fondadôrs a volevin che e fos, ven a stâi un catalizadôr des energjiis miôr che la nestre tiere e prodûs, ma ancje un motôr par disvilupânt di gnovis (Walter Tomada, Maseri al done al Ateneu Palaç Antonini. Une grande oportunitât)