casistiche /-sì-/ ca|sis|ti|che [CO, TS]
- s.f. [TS] teol. part de teologjie cristiane che e apliche i principis di morâl ai singui câs di cussience, soredut par classificâju e par dâ normis di compuartament: [la morâl] no je simpri lineâr e nancje simpri facile di decifrâ, pesâ, stazâ. […] Che se dopo si metin i moraliscj cu lis lôr casistichis o incasinaments, la robe e je ancjemò plui grivie (Antoni Beline, La fabriche dai predis)
- s.f. [CO] cuantitât di câs che a permetin une cognossince o un studi: massime pai intervents di chirurgjie e ostetricie, si à di tignî presint che intun ospedâl piçul si à mancul garanzie di sigurece pal sempliç fat che si à mancul casistiche (Christian Romanin, Amato De Monte: Il Friûl, patrie des bataiis di civiltât)