capare /-pà-/ ca|pa|re [CO, TS]
- s.f. econ., cum. cuantitât di bêçs paiade denant trat par un prodot o par un servizi, in mût di jessi sigûr di vêlu: "[…] fasìn dôs riis di contrat, mi da une capare e un mês di fit devant trat, e la setemane cu ven che meni la robe che la cjase è libare par jê." (Pieri Somede dai Marcs, Cjase di fitâ)
- s.f. (fig.) anticipazion di alc plui grant, plui complet, ancje di alc di imateriâl: la pâs cui miei fradis / donaitmi, o Dio bon; / chê pas, che è capare / del vuestri perdon (Zuan Batiste Galeri, Il furlan a messe)