camamile
/-mì-/
ca|ma|mi|le
[CO, TS]
-
s.f.
bot.com.
plante de famee des Asteraciis, cun arome fuart e proprietâts farmacologjichis, lat. sient. Matricaria chamomilla:
insieme a le jerbe di sant Zuan a si cjape sù: jerbe taiadore, vermene, lavaç di sant Zuan, mente, urtie, camamile, zinevri, sinç, felet… Fat il mac, al ven puartât in gleisie par jessi benedît (Antonino Danelutto, Le jerbe di sant Zuan)
Var. camomile
, camamilie
-
rosis secjadis di chê plante:
camamilis, polvar di mente e fenocjet pal siôr plevan, par esempli, che al patìs di flâts di cûl e mâl di urine (Alviero Negro, Int di masnade)
-
tisane fate cu lis rosis secjadis di chê plante, cun proprietâts di calmant lizêr:
i ai fate une camamile, ma no i à zovât in dute la gnot (Pieri Menis, Doi pizighets e un lari);
"Eh, ce diseiso?… Dolôrs di stomi… fuarts fuarts… Vêso provade la camamile…" (Bruno Paolo Pellarini, Comari 'Sese)
Sin. te di camamile
, aghe di camamile
-
s.f.
(fig.)
cualsisei robe che e puarti calme, pâs, che e sbassi un contrast:
[la stampe] e cîr di meti un fregul di camamile tal plomp des sôs colonis. Ma si puedial crodi che al zovi? (Josef Marchet, Il pietin e il grop)