calibri /cà-/ ca|li|bri [CO, TS]
- s.m. tecn., arm. dimension che e corispuint al diametri di un ogjet cilindric, une vore dispès in riferiment a un proietil o ae cjane di une arme di fûc: al concuiste il tierç puest cheste volte te specialitât Sport Pistole (calibri 22) (Gloria Angeli, Il Strolic furlan pal 2012)
- s.m. (fig.) valôr, impuartance di alc o di cdn.: Luigi Candoni al scomence a Rome la sô ativitât di autôr cuntune compagnie di mieç calibri (Bepi Agostinis, Storie e cronistorie dal teatri in Friûl)
- s.m. tecn. imprest di precision par misurâ il diametri di un cuarp cilindric o plui in gjenerâl la distance jenfri doi ponts di dôs superficiis oponudis: al è lât ator a cirî cun pazience par lis cjasis, pai cjasâi e par lis buteghis jenfri i ogjets che no si dopravin plui: i calibris dal marangon, i imprescj par filâ, i cjavedâi antîcs (Redazion Lenghe.net, Ae aste ogjets dal mont contadin furlan)