Dizionari de Lenghe Furlane

cafè  ca|fè  [CO, FO, TS]

1. s.m. [CO, TS] bot.com. arbossit simprivert de famee des Rubiaciis, origjinari de Afriche, cun rosis blancjis e pomulis rossis cuntune o dôs sepis
2. s.m. i grans di chê plante, soredut daspò brustulâts o masanâts:  vagons e camions a discjariin cafè (Vico Bressan, Cîl e aghe); i mandave pacs di zucar e di cafè, robe che in chei agns e jere scjarse in buteghe (Pieri Menis, Chei di Muraie); Rita e masanà il cafè e e implenà la napoletane di aghe, po e le tal tinel a cjoli lis cjicaris e i platuts (Carlo Sgorlon, Prime di sere)
3. s.m. bevande aromatiche di colôr scûr che si le fâs cul polvar di chei grans:  bevi il cafè trê voltis in dì; une cjicare di cafè; meti sù une cogume di cafè; podaressio vê un gotut di cafè, se no us displâs? (Franca Mainardis, Aiar di cjase)
4. s.m. bevande che i somee al cafè, preparade cun altris sostancis:  cafè di vuardi
5. s.m., adi.inv. viôt colôr cafè
6. s.m. moment, pal solit ae fin dal gustâ, cuant che si use a bevi cafè:  "O pues jessi li di te tor dôs e mieze, ti vadial ben" "Sì, beonon, ven ca di me pal cafè"
7. s.m. ambient public dulà che si puedin bevi il cafè e altris bevandis:  tal cafè e jere pocje int. A jentrarin dôs sioris, a butarin ator il voli pal cafè, a ordenarin alc di bevi restant in pîts (Agnul di Spere, L'avignî di Antoni Cossâr)
   Sin. bar² , buteghe di cafè , cafetarie

Polirematichis e espressions idiomatichis

• cafè batiât loc.s.m.
• cafè coret loc.s.m.
• cafè crût loc.s.m.
• cafè cu la sgnape loc.s.m.
• cafè cuinçât loc.s.m.
• cafè cul bussul loc.s.m.
• cafè cul lat loc.s.m., loc.adi.inv.
• cafè cul spali loc.s.m.
• cafè di vuardi loc.s.m.
• cafè e sgnape loc.s.m.
• cafè frêt loc.s.m.
• cafè lunc loc.s.m.
• cafè maglât loc.s.m.
• cafè neri loc.s.m.
• cafè salvadi loc.s.m.
• cafè sclet loc.s.m.
• cafè sporc loc.s.m.

Proverbis:

• par che al sedi bon il cafè a vuelin trê robis: cualitât, cuantitât e savêlu fâ