buteghin /-ìn/ bu|te|ghin [CO]
- s.m. piçule buteghe, piçul ambient li che si vent alc, soredut in riferiment a ciertis categoriis specifichis, tant che robe di bevi, di mangjâ, lotariis, biliets e v.i.: il buteghin di Caroline!… ah, chel sì che al jere biel. Si lave sù par doi scjalins e si jentrave tun busigatul che nol jere plui di cuatri metros cuadrâts: e li scansiis plenis di vâs di bombons, di mentutis coloradis (Alma Plai, Borc Vilalte); e mandave ogni setemane sô cusine, che e va a cusî a Udin, tal buteghin dal lot a zuiâ trê numars (Josef Marchet, Lis predicjis dal muini)
- s.m. piçul ambient o bancut, in gjenar cuntun veri denant, intun teatri, intun cine, intun stadi e v.i., là che si comprin i biliets par jentrâ: a si son mitûts denant dal buteghin de casse par cjoli i biliets [dal cine] (Pupi Marin, Mularie)