bust
bust
[CO]
-
s.m.
part dal cuarp tra il cuel e la vite:
nassei cui pîts denant, po il bust, e i braçs, / po il cjâf daûr vignì in cheste grant preson (Ermes di Colorêt, I, 258)
-
s.m.
sculture che rapresente dome pet e cjâf de persone:
[il sindic] al veve za scunsultât pal bust dal cont un artist di Vignesie (Dino Virgili, La aghe da pît la cleve);
tal municipi di Gurize o cjatìn il bust di Pieri Çorut (1892) [di Andrea Flaibani] (Bepi Agostinis, Storie de art in Friûl);
al à domandât un toc di marmul e in doi e doi cuatri l'à gjavât fûr chel bust di Crist (Tita Brusin, La Basilica di Aquilea)
-
s.m.
toc di vistiari feminin, elastic e setât, massime di strenzi par dâ forme ae vite:
[la Lise e judave la Baldasse] a tirâi i cordons dal bust, la domenie, par ore di Messe, e a sierâi lis scarpis altis cun chei botonuts in rie di ca e di là (Maria Forte, Cjase di Dalban)
Cfr. bustin
, bustine2
-
s.m.
[TS]
med.
aparât ortopedic par sostignî il cuarp o tignî drete la schene:
o soi stade a Udin tal ospedâl che mi àn metût un bust par indurîmi la schene che no ten plui (Meni Ucel, La barache)
Polirematichis e espressions idiomatichis
Proverbis:
- bust a ruviers e manie drete al è l'inzen da la pulzete