bussade
/-à-/
bu|ssa|de
[AF]
-
s.f.
at di afiet o di amôr o passion fat poiant i lavris su la bocje o su la muse o su lis mans o su altri di cdn. o su alc:
Lissandri al veve judât Rufine a meti un pôc in ordin, po, cuntune bussade lizere sul cerneli, le veve lassade e al jere partît par Udin (Franca Mainardis, Il sium di Lissandri);
un inamorât si vise di ducj i particolârs e al sint ancjemò il sgrisul de prime strente e de prime bussade (Antoni Beline, Sant Jacum, là che al finìs il mont);
e fo une bussade dolce in prin, ma che e deventà simpri plui infogade e convulsive (Roberto Ongaro, Il muc)
Sin. busson
-
s.f.
[TS]
lit.
at rituâl li che la crôs di une glesie e ven puartade a tocjâ la crôs di une altre glesie plui impuartante:
une a la volte lis crôs clamadis si fasevin indevant fintremai su la puarte de glesie e si disbassavin a tocjâ intune bussade simboliche la Crôs grande de glesie mari (Dino Virgili, La aghe da pît la cleve)
Sin. bussade des crôs
Polirematichis e espressions idiomatichis