bufonade
/-nà-/
bu|fo|na|de
[CO]
-
s.f.
azion o esibizion di un bufon o di cui che si compuarte come un bufon, fate par fâ ridi:
cumò al va di mode che vagabonts scaltris a fasedin spetacul tes placis, tes fieris, cun bufonadis, zûcs, teatruts di vuere e di amôr, contis di aventuris e di miracui (Diego Navarria, La aventure di Lenart Furlan di Cividât, stampadôr di gale e sassin cence colpe)
-
s.f.
(fig., spres.)
azion o frase o dinamiche cence serietât, cence responsabilitât, che a fasin pierdi il rispiet:
ce cualitât di religjon che je cheste! Bufonadis, bufonadis! (Vincenzo Luccardi, Florean dal Palaç, II, 21)
Sin. buratinade
, pipinotade
, paiaçade
, purcjinelade
, comedie