bressane
/-à-/
bre|ssa|ne
[CO, TS]
-
s.f.
venat.
struture par cjapâ uciei formade di un perimetri di arbui fis, li che si metin lis rêts o viscjadis, cuntun prât tal mieç li che si metin i riclams:
al leve te bressane ae prime lûs cul cavalet dai uciei su la spale (Alan Brusini, Amîs come prime);
sul plan di mieç de culine, la cise cuadrade di rôl di une vecje bressane e jere cressude a mat, sierant dentri, tun intric di ramaçs e di bachetis, la piçule cabocje dal oseladôr (Pieri Menis, Destins)
Cfr. rocul