braghîr
bra|ghîr
[BF]
-
s.m.
fasse di corean par tignî sù lis braghessis:
a Roseepan al de jù un colp furiôs / ma sence efiet, che, lade in stuart la lance, / salvade dal braghîr i fo la panze (Emilio Nardini, La Batracomiomachie di Omero)
-
s.m.
indument intim par tignî sù lis parts masculinis, soredut par fâi cuintri ai efiets de roture, de ernie scrotâl:
ti zuri soi intîr / no ai portât ni puarti mai braghîr (Anonim, Lement di un vieli inemorât);
une mumie in braghîr (Vincenzo Luccardi, Florean dal Palaç, II, 50)
Sin. cint
-
s.m.
robe o persone che e intrighe, che e fâs pierdi timp, che e da fastidi:
volevi vignî, ma mi è capitât aduès un braghîr e no sai cuant che o podarai movimi (Giulio Andrea Pirona, Ercole Carletti, Giovanni Battista Corgnali, Il Nuovo Pirona);
dopo la aprovazion contrastade de prime part dal articul ancje chel braghîr di Nitti al à scugnût dî la sô par metisi cuintri! (Redazion Patrie dal Friûl, Lis ultimis batudis)
