braçolâr
bra|ço|lâr
[CO]
-
s.m.
aste di len o di altri materiâl lungje un braç, par cjapâ misuris:
alì vicin / je la poltrone, / un scagnutut, / il braçolâr, / e un biel zeut / dut colm di cjalcis, / campions di tele, / glemuçs di lane / e di curdele (Pieri Somede dai Marcs, Il taulin di mê agne);
entrin tal cjampanili e cul braçolâr a misurin ator ator i mûrs (Luigi Gortani, Il tor di Mueç)
-
s.m.
(fig.)
criteri di misure, di valutazion:
o vivìn intune clime, dulà che dut al ven misurât cul braçolâr de politiche di partît (Josef Marchet, Dongje e lontan);
si valeve par chel che si saveve fâ e cun chel braçolâr si vignive judicâts (Roberto Ongaro, Il muc)
Proverbis:
- ducj misure sul so braçolâr
- i umign no si ju misure sul braçolâr
