Dizionari de Lenghe Furlane

botaç  /-àç/  bo|taç  [CO]

1. s.m. recipient di crep, di capacitât tor dal litri e mieç, cul pipul, par puartâsi daûr di bevi, daûr dal câs, aghe, aghe e asêt, scjaveç, vin:  spietavin biel biel che suni misdì sot di un morâr, cul botaç da aghe e cun chel puer gustâ (Dolfo Zorzut, Zuan e Catinute); co al rivave misdì, su la sgjave al jere za pront il gustâ puartât di une femine di cjase: une tavuaie, la pignate cul mignestron, il salam, il formadi, il botaç dal vin (Gotart Mitri, A cjapâ sù blave)
   Var. butaç
   
   1. cuantitât di licuit che e sta in chel recipient
2. s.m. [BF] recipient di dovis plui piçul dal barîl:  vulìn spinâ dut cuant, / piçul, mezan e grant, / vassiei e vassiluts, / botaçs e botaçuts (Marc Antoni Barut, Furlanade pe coronazion di Ferdinant III)
   Sin. bagan , buracjot
   
   1. cuantitât di licuit che e sta in chel recipient
3. s.m. viôt mâl dal botaç
4. s.m. (pop.) sorenon di chei di Cjanive in Cjargne:  son ca i botaçs di Cjanive, / jo no 'ndi vuei nissun (Popolâr - Valentino Ostermann, La biele sompladine - Villotte friulane)

Polirematichis e espressions idiomatichis

• di barîl in botaç loc.av.
• lâ di barili in botaç loc.v.
• mâl dal botaç loc.s.m.