bosc
/-ò-/
bosc
[FO, TS]
-
s.m.
ambient naturâl caraterizât di arbui alts e fis, li che a vivin ancje altris speciis di plantis, animâi e foncs:
il ruscli si lu cjate dispès intai boscs di rôi (Giorgio Pascoli, Il Litum: jerbis salvadiis te cusine);
al lave a lens pai boscs, al tirave dongje cualchi ramaç sec e lu ficjave tal zei (Carlo Sgorlon, Prime di sere);
mi jeri inviât dentri pal bosc, in chê frescure che e nulive di pês, tra chei lens alts e drets che si ingredeavin cui ramaçs là sù, in alt (Pieri Menis, La scuele dai fornasîrs);
alore la strie e bute par tiere un pietin e devant dai zovins al comparìs un grant bosc plen di plantis di baraçs (Andreina Nicoloso Ciceri, Blancje come la nêf - Racconti popolari friulani I)
Sin. selve
-
s.m.
[TS]
zoot.
intal arlevament dai cavalîrs, i fassuts di paie o stecs dulà che i cavalîrs a fasin la galete:
il cavalîr al ten sù e al niçule il cjâf: al vûl dî che al è pront par lâ a filâ. Si ur prepare il bosc cun paie di siale (Gotart Mitri, I cavalîrs)
Polirematichis e espressions idiomatichis
Proverbis:
- al è miôr il mierli che al cjante di bosc
- al è miôr vivi tal bosc che no cu la femine ledrose
- daspò dai cuindis di Avost, cence tabar no lâ tal bosc
- la prime ploie di Avost a rinfrescje il bosc
- miôr uciel di bosc che no di scjaipule
- miôr vivi tal bosc che no cu la femine rabiose
- miôr vivi tal bosc che no cu la femine stiçose
- ognidun a tuartis tal so bosc
- tal bosc taiât no stan i laris