bombâs
bom|bâs
[CO]
-
s.m.
complès di fibris di coton gresis o lavoradis, doprât soredut par imbotî o par disinfetâ, netâ, passâ licuits e v.i.:
al jere dut plen di veruts, scjatulutis di punturis e bombâs che a pandevin il mal di cûr dal vieli (Pieri Somede dai Marcs, Dure leç);
cun dut chel bombâs che o scugnivi meti in ponte [tes scarpis masse grandis], no mi scjampavin (AAVV, Sul florî)
Sin. coton
, ovate
-
fîl di coton:
sot dal vistidut di mieze lane e di mieç bombâs, salacor no vevin nancje lis mudantutis, puarets! (Pieri Menis, Il «pigjama»)
-
tiessût di coton:
cotulis lungjis e largjis, grumâi di bombâs o di regadin e gjachetins a vite (Riedo Pup, I furlans e la mode)
-
(ancje fig.)
in metaforis o paragons par dî alc di blanc e fof:
un talpinament su la nêf frescje de gnot. Il sunsûr dai pas si dissipave ta chel fof di bombâs (Maria Forte, Chê massanghe plui grande)
-
s.m.
(fig.)
situazion di comoditât, di benstâ, di vite facile:
"[…] Fin cumò tu âs vivût tal bombâs … Tu provarâs cuant che nol sarà plui timp di tornâ indaûr, ce che a son i ingredeis di une famee…" (Maria Forte, Cjase di Dalban);
mi vevin tirât sù tal bombâs, intun mont masse riparât e cuasi cence contats vêrs cu la realtât (Carlo Sgorlon, Il dolfin)