bis2 bis [CO]
- adi.inv. daûr di un numar o di un contrassegn di une liste o di un non, par segnalâ che al è il secont element di doi o plui che a àn il numar o contrassegn o non compagn, pal solit par vie che a son stâts zontâts intun secont moment: il bataion Cividât bis al complet, si è mot e te gnot, o sin lâts a Cjaurêt (Alan Brusini, I ribei); il completament de Strade Provinciâl 52 bis (Elena Zanussi, Provinciis furlanis a cunvigne)
- adi.inv., adi. dopo de peraule nono o none, par segnâ un rapuart cu la tierce gjenerazion: la none Catine si visave cemût che, dispès, al sucedès che Taresie - la mê none bis - si ticàs cul vieli Bastian (Gianni Gregoricchio, Trê feminis); Ane di Milo, mê none bisse, e contave riduçant i mateçs, i fasadiçs e i strolegheçs che lôr frutatis e fasevin par slontanâ i striaments (Popolâr - Istitût di Ricercje Achil Telin, Cuintri i striaments - Friûl des Culinis I )
- s.m. ripetizion di un toc di spetacul daûr de domande dal public: "Bis, bis", si sint a dî: / lui al fâs un compliment, / e al dîs di sì (Pieri Çorut, Il mio tratament); la int e berlave par vê il bis e i sunadôrs, aromai usâts, no lu refudavin mai (Roberto Ongaro, Cretevierte)
- s.m. ripetizion di cualsisei robe: il cacao di Mariute al lave jù che al ere un plasê, tant che ducj a fasevin il bis (Aldo Gallas, Il vêr "cacao meravigliao")