berline1 /-lì-/ ber|li|ne [CO, TS]
- s.f. stor., dir. strument di punizion formât di un pâl o di plui breis, metût intun lûc public, dulà che il condanât al jere blocât par une cierte dade di timp, par jessi umiliât denant de int: cressin di inicuitât; / si mace, si sassine, / no ur fâs sens la preson, ne la berline (Pieri Çorut, L'asîl); i blestemadôrs e i scandalôs a jerin condanâts de «vicinie» a jessi leâts ae berline, su la place, par une o plui fiestis, par che il popul, lant aes funzions in glesie, al podès vergognâju (Pieri Menis, Lis leiendis di Buie)
- s.f. (fig.) cundizion li che si è umiliâts denant di altris: al è just meti ae berline, almancul mediatiche, cui che al à pensât e progjetât chel logo ignobil che al varès di rapresentâ la produzion agroalimentâr regjonâl (Dree Valcic, "Io sono FVG", provocazion antifurlane)
- s.f. [BF, TS] zûcs zûc li che un zuiadôr al viôt judizis anonims su di lui e al à di induivinâ di cuâl di chei altris zuiadôrs che al è ogni judizi
