batistrade /-strà-/ ba|ti|stra|de [BF]
- s.m. servidôr che al viazave devant di un paron, par viodi che no fossin pericui o fastidis su la strade: "Delio, sta sera, i 'sin intal simiteri vecju di Sant 'Suan a platâ i sclops che a ni àn partât jù da la montagna. Tu i ti fasarâs da batistrada, coma al solit e coma al solit, una fiscjada par segnâl di piricul" (Ovidio Colussi, Delio: puor Delio)
- s.m. (fig.) cui che al rive a pene prime di cdn. altri, che al prepare o che al anticipe la sô vignude, la sô azion e v.i.: Sant Zuan, Sant da aghis, batistrada di Crist (Ferruccio Tassin, Glesiis, predis e int che a à crudût. Lis glesiis di Romans)
- s.m. [CO, TS] autom. part di gome di veicul che e tocje la strade: pneumatics pal Invier cun almancul trê milimetris di batistrade (Alessio Potocco, Atenzion: cjadenis te machine fin ai 15 di Març)