bastâ
bas|tâ
[FO]
-
v.intr.
jessi avonde, jessi suficient, dispès si dopre ancje cence pronon subiet aton:
par saludâ baste tirâ jù il cjapiel, no covente sbassâ il cjâf (Riedo Pup, I furlans e la creance);
se si vûl viodi il Cjanâl biel tant che un sium di fruts, al baste passâlu fûr cuant che la nêf frescje lu vistìs di blanc (Josef Marchet, Il cjanâl vistût di blanc);
baste viodi la liste des robis che a varessin vût di jessi fatis e controlâ se e cemût che a son stadis fatis (Carli Pup, Sot atac l'avignî de lenghe furlane);
o ai chel che mi baste par vivi e par tignî impins la speziarie (Alviero Negro, Int di masnade)
Sin. jessi avonde
Proverbis:
- a bon intindidôr, pocjis peraulis i bastin
- a fâ il just, di gnot si duar; baste no vê mâl
- a vuelin siet umign a fâ une cjase, e baste une femine a strucjâle
- baste che si rivi, ogni strade e je buine
- baste jessi mûi par jessi fortunâts
- baste une cjavre cu la rogne par ruvinânt un trop
- che al coli il mont, baste che nol coli par me
- cui che al compre al à bisugne di cent voi, cui che al vent i 'nd baste un
- doi pôcs e un nie a puedin bastâ a fâ siôrs
- doi pôcs e un nuie a bastin a fâ scjas
- nol baste cognossi la creance, bisugne ancje savê doprâle
- nol baste jessi rics par jessi contents
- nol baste l'imprometi, bisugne mantignî
- nol baste scomençâ, bisugne seguitâ
- nol baste vê bêçs, bisugne savê spindiju
- nol baste vê reson, bisugne fâle intindi
- nol conte jevâ adore, baste rivâ su la ore
- o di stranc o di fen baste che si jempli il magazen
- par consolâsi baste cjalâsi indaûr
- par mostre baste un boton
- par vendi al baste un voli, par comprâ no 'nd bastin cent
- tant baste cu masse