basc
basc
[CO]
-
s.m.
dal popul di lenghe no indoeuropene che vuê al vîf tes regjons dai Pireneus ocidentâi e ad ôr dal golf di Biscaie, dal so teritori, de sô culture, de sô economie e v.i.:
Txillardegi, al è calcolât tant che une des personis che plui a àn segnât cu la lôr influence il nazionalisim basc e la culture basche vie pal secul XX (Carli Pup, Oms di memoreâ: Txillardegi)
-
adi., s.m.
che, cui che al fâs part di chel popul:
i bascs a àn dutis lis carateristichis par jessi une nazion de Europe, e i Catalans compagn (Adrian Cescje, Memoriis di politiche linguistiche);
Sant Ignazi di Loyola, un basc che propit culì, dal 1522, […] si è metût anime e cuarp al servizi di Crist e de glesie (Antoni Beline, Sant Jacum, là che al finìs il mont)
-
s.m.
lenghe no indoeuropeane fevelade tes regjons dai Pireneus ocidentâi e ad ôr dal golf di Biscaie:
dal 1991, te Regjon Autonome Basche, 419.200 personis di plui di 15 agns, il 24%, a cognossevin il basc (Xavier Lamuela, Une riflession su lis politichis linguistichis)
-
s.m.
sorte di barete cence ale:
cu la schene poiade tor di une paradane, il basc tirât jù pai voi, lis gjambis frontadis di chê altre bande cu la vieste nere tirade parsore, al cirive di impisulîsi (Pieri Menis, Sul agâr)