baridure
/-ù-/
ba|ri|du|re
[CO, TS]
-
s.f.
pescj.
arzin artificiâl che al siere une aghe di mût che si puedi cjapâ il pes:
serais di scjans / e baridures di lagune e slungjin / mans cence forme, ultins salûts de tiere, / ferme al trionf dal mâr (Domeni Zannier, La ancure te Natisse)
Cfr. baradure
-
s.f.
gjeogr.
grum lunc di savalon tirât sù des ondis e des corints te lagune:
par ca di ca, a man drete, il cori vie di isulutis e di bariduris mi strassinavin intun mont di fantasiis (Gianni Gregoricchio, Grau)
Sin. barene
-
s.f.
(fig.)
viôt bariere
:
superâ la baridure dal "quorum" (Redazion La Patrie dal Friûl, In vore pai referendums)
