barcjon
/-òn/
bar|cjon
[CO]
-
s.m.
barcje avonde grande:
un barcjon al sfilà l'imbarcjadôr e al si plaçà cun moviment di scune mote ret di un pâl di atac (Domeni Zannier, La crete che no vai);
a vevin fat un salt tun barcjon fer tal canâl in bande (Alan Brusini, Par stradis lungjis)
-
s.m.
nûl o grum di nûi grancj, fis, che a puartin ploie:
il flum al jere deventât scûr; dal cuc de Cleve a vignivin fûr cumò a planc e fis barcjons di nûi e al pareve che la sere e spesseàs a colâ jù dal cîl (Dino Virgili, La aghe da pît la cleve);
sù in alt, nûi neris a barcjons si corevin daûr (Pieri Somede dai Marcs, La bissebove)
Proverbis:
- nûl a scjalins, ploie a cjadins; nûl a barcjons, ploie a bleons
- nûl a scjalins, ploie a sglavins; nûl a barcjons, ploie a bleons