Dizionari de Lenghe Furlane

bandinele  /-nè-/  ban|di|ne|le  [CO]

1. s.f. toc lunc e laterâl di un jet o di une scune:  «Magari cussì no, e je lade vie la lûs…», al pensà cirint di rivâ sul jet «Cui sa ce ore che e jê». Al impià un fulminant e cussì al rivà a cjapâsi te bandinele de cocjete (Mario De Apollonia, Il timp par ledrôs)
2. s.f. struture che e fâs di protezion sul ôr di un puest dulà che si passe o che si sta:  mi plaseve lâ ator pai capanons des grandis industriis de zone, cjacarâ cui responsabii mecanics, capî i problemis e cirî di risolviju. Mighe robonis: une pedane par lavorâ miôr, une rampe di meti in sigurece, une bandinele che e tremave e e faseve rumôr […] (Igor Londero, Delit in vie del Lavoro)
3. s.f. viôt bandete