bagatin /-ìn/ ba|ga|tin [BF, TS]
- s.m. numism. monede che e valeve une di dodis parts di un solt o plui in gjenerâl monede di pôc valôr: al à paiât l'artist li su la brucje fin a l'ultin bagatin (Giovanni Gortani, Lant jù pe Tresemane); nol à in sachete nancje un bagatin (Pieri Çorut, Antigaiis)
- s.m. artes. indicazion di lungjece di claut li che chel di un bagatin al è sui sîs centimetris, chel di un bagatin e mieç al è sui vot centimetris, chel di doi bagatins al è sui dîs centimetris