badie
/-ì-/
ba|di|e
[CO]
-
s.f.
comunitât di fraris o muiniis sot di un abât o di une badesse:
al fo lui [Vodalrì I di Eppenstein] a dâi une grande sburtade ae costituzion di une rêt di munistîrs e di badiis (Angelo Floramo, Di scjas in scjas: i taramots inte storie furlane. An 1117: il taramot plui grant di Europe);
cuant che il Cristianisim si jere aromai stabilizât. a nasserin lis grandis badiis, comunitâts di oms o di feminis che a sielzevin di metisi adun par servî cussì la Divinitât, preâ, lavorâ, vivi dal so, judâ i puars (Pier Carlo Begotti, Federico Vicario, Peraulis di chenti)
Var. abazie
-
edifici e in câs complès di proprietâts di chê comunitât:
Iplis l'è un paisut, se no savês, / fra il Nadison e il Judri, sparniçât / da pît dei cuei che cjalin Cividât / e si sprolungjin vie / plens di acaziis, di vîts e di pomârs / fin sui roncs de Badie [di Rosacis] (Enrico Fruch, Il plevan di Iplis);
la visite ae badie di Monserrat e à lassât un bon segnâl tal nestri cûr (Antoni Beline, Sant Jacum, là che al finìs il mont)