Dizionari de Lenghe Furlane

avocat  /-àt/  a|vo|cat  [FO]

1. s.m. professionist che al assist une part tun judizi:  lui tal doman al jere lât dal avocat par tacâ lis pratichis de separazion (Alan Brusini, Amîs come prime); un avocat che le sa plui lungje dal diaul, al è rivât adore di gjavâlu fûr pe buse de clavarie (Josef Marchet, Lis predicjis dal muini); l'avocat lu sconzurave di stâ ben atent a ce che al diseve al judiç, par no vignî fûr di chê cause cence un carantan (Agnul di Spere, Frêt)
2. s.m. [TS] stor. procuradôr de Glesie o di autoritâts civîls, massime te Ete di Mieç:  Guecel I sovran di Prate e avocat de Glesie di Cenede al fo invistît dal patriarcje di Aquilee "cum comitatu" dal feut e dal cjistiel di Purcie (Consorzi pe difese dai cjistiei storics dal Friûl - Vignesie Julie, Purcie)
   Var. avoiâl

Polirematichis e espressions idiomatichis

• par mans di avocat loc.av.
• par mans di avocats loc.av.

Proverbis:

• i avocats a vendemin di ogni timp
• i litighents a fasin il past e i avocats lu mangjin
• i litighents a nasin il past e i avocats lu mangjin
• intant che i litighents a tirin la vacje, un pai cuars e un pe code, i avocats a molzin
• l'avocat che nol ven clamât nol ven paiât
• l'uciel in man al frut, la surîs in bocje al gjat, lis disgraciis in man al avocat
• lari e avocat al è un non sôl
• miedis e avocats no si spudin tal lôr plat
• ni ca dal miedi par ogni mâl, ni ca dal avocat par ogni lît e nancje po par ogni sêt ca dal bocâl
• se a vessin di cressi i dincj, ur cressaressin ai avocats
• stupits e ustinâts a fasin siôrs i avocats
• testarts e litighents a ingrassin i avocats
• un bon avocat al fâs passâ par cjan ancje il gjat