atentât a|ten|tât [CO]
- p.pass. viôt atentâ
- s.m. azion violente preparade in maniere clandestine, in gjenar cuntun obietîf politic: al fevele di fats sucedûts pardut: dal atentât cuintri dal Pape Zuan Pauli II in place Sant Pieri al ribalton militâr in Polonie (Carlo Sgorlon, Presentazion di Il sît di Diu); i predis, cuant che a volevin fâ publicitât pe Democrazie Cristiane, a disevin "in Italie no si è mai stâts ben come cumò". Sì, ma dopo a son tacâts i atentâts, i agns di plomp e dutis chês robis li che no fasevin stâ tant ben (Enos Costantin, Vive la Patrie!)
- s.m. (fig., ancje iron.) azion che e menace o che e fâs dam a cdn. o a alc o che e pues ofindi la sensibilitât: [la riforme Renzi-Boschi] e je stade viodude di fat come un atentât ae specialitât (Walter Tomada, Chel dai 4 di Dicembar isal stât un vôt autoNOmist?); la redazion e à crodût di aplicâ a titul di speriment la grafie internazionâl. Che l'autôr al perdoni l'atentât cuintri la ortografie tradizionâl (Achil Telin, La Patrie Ladine, I, 1)