assunzion
/-òn/
a|ssun|zi|on
[AF]
-
s.f.
(ancje fig.)
il cjapâ sù, il cjapâsi sù e il lôr risultât:
scrivi e cjantâ par sart par me al è un at politic, une assunzion di responsabilitât viers il gno popul (Federica Angeli, A giru a giru: Sardegne in tour cun Claudia Aru);
il probleme de regjistrazion al domande prin di dut la definizion e la assunzion di un altri sisteme di riferiment des coordenadis (Domenico Visintini, Lis Termis Romanis e la Basiliche Patriarcjâl di Aquilee studiadis midiant lis modernis tecnichis di rilevament e di rapresentazion)
-
il cjoli une sostance, il fâle jentrâ tal cuarp:
si pues curâ la depression cu la soministrazion intranasâl di ossitocine o la assunzion di antidepressîfs (Franc Fari, Neurosiencis dal dolôr)
-
s.f.
at di inizi di un rapuart di lavôr subordenât:
concors pe assunzion di gnûf personâl (Donato Toffoli, Relazion dal Grup di lavôr "Planificazion linguistiche");
a sun di vueli pesant, di svuirçs di tacuin e di scambi di plasês, la mecaniche des assegnazions, […] des assunzions di personâl e jere zaromai dumiesteade (Josef Marchet, La unitât de camore)
Sin. ingai
-
s.f.
[TS]
religj.
ancje cun iniz. maiusc., elevazion miracolose di une persone, ancje di vive, in paradîs e fieste che e celebre chel miracul:
te glesie di S. Marc in Cjavrîs […] al à piturât il cjadin de abside cun Crist Re e sul sufit de navade La assunzion de Vergjine Imaculade (Bepi Agostinis, Storie de art in Friûl)
-
s.f.
[TS]
filos., logj.
procediment par cjapâ une proposizion tant che premesse di resonament
-
proposizion cjapade tant che base di un resonament dimostratîf o argomentatîf:
cheste teorie [chê di Darwin] e poie parsore di dôs assunzions. Par prin, che dentri di une popolazion a coesistin formis diferentis par un stes caratar […]; par secont che su cheste variabilitât fenotipiche e agjìs la selezion naturâl (Angelo Vianello, La evoluzion su la tiere. Une storie di competizion e cooperazion)
