assorbiment /-ènt/ a|ssor|bi|ment [CO]
- s.m. (ancje fig.) l'assorbî, l'assorbîsi e il lôr risultât: la lenghe e je la indicazion dal temperament, des inclinazions, des risorsis, des fuarcis e des debilecis, dai orientaments, des pussibilitâts di assorbiment e di resistence di un popul (Josef Marchet, Un element fondamentâl dal moviment autonomistic)
- s.m. [TS] fisiol. passaç di sostancis licuidis intal sanc o inte linfe di un organisim: calci che al pues jessi doprât cun facilitât dal cuarp, pe costruzion e pe manutenzion dai vues, pal bon funzionament dai muscui, pe coagulazion dal sanc e, dutun cu la esposizion dal cuarp ai rais dal soreli, pal assorbiment e l'implei de vitamine D (Guglielmo Pitzalis, Mangje san 3); un pedoli de lidrîs de vît che al fâs dam ae plante disturbant l'assorbiment di aghe e elements minerâi nutritîfs (Enrico Peterlunger, Lis varietâts di vît resistentis a lis malatiis)
- s.m. [TS] fis., chim. passaç di un cuarp intal stât aeriformi o licuit intun altri cuarp intal stât solit o licuit: strichis di ZrAl (zirconi-alumini) che a formin composcj chimics stabii cui prodots desorbîts di parêts di alumini dentri de lungje cjamare a vueit dal LEP (in figure 9 si ripuarte il scheme des reazions chimichis di assorbiment) (Lorenzo Marcolini, La invenzion dal vueit inte lampadine di Turo Malignani. Storie, gnovis ipotesis e atualitât)
- s.m. [TS] fis. diminuzion progressive de energjie di une onde eletromagnetiche, di une onde elastiche o di un corpuscul cuant che a passin traviers de materie: Einstein al voleve rivâ a une teorie che e spiegàs il fenomen dal assorbiment e de emission de lûs a partî di un unic mecanisim (Lorenzo Marcolini, L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane)
- s.m. [TS] econ. part de produzion che e rive a jessi cjapade dal marcjât o di utents che a rivin a jessi sodisfats tal servizi che a domandin: l'hub di riferiment al è Fiumicino, un aeropuart che, cun cirche 38 milions di passizîrs ad an, di fat al è al limit des sôs capacitâts di assorbiment dai flus (Attilio Celant, Il rûl economic dal turisim in Italie)
- s.m. [TS] econ. fusion o incorporazion di une o plui aziendis intun organisim unic
- s.m. psic. atenzion indreçade in mût esclusîf a di un ciert ogjet o a di une cierte ativitât: par fermâ dal dut i sintiments si à di distudâ ogni ativitât sensoriâl (pratyahara), focalizâ la atenzion intun unic pont (dharana) e produsi un assorbiment meditatîf (Franc Fari, Neurosiencis de meditazion)