arint
/-ì-/
a|rint
[FO]
-
s.m.
metal preziôs di colôr blanc slusint, doprât par fâ monedis, zoiis, vâs, e v.i.:
arint, a nûf decims di bontât; vâl a dî in chê maniera, che contegni nûf parts di arint e una di ram (Federigo Comelli, Il me paîs);
la cjadene dal orloi di arint (Alan Brusini, Come tai romançs)
-
[TS]
chim.
element chimic metalic di numar atomic 47
-
ancje tant che tiermin di paragon o in metaforis a pandin un sun net e elegant:
une vôs di arint come chê che a àn i rusignûi (Franca Mainardis, Un bosc cence colôrs);
la cjampanute de glesie si jere metude a sunâ e i siei glons di arint si sgotavin vie pe campagne (Pieri Menis, Il miracul dal plevan di Trep)
-
s.m., adi.inv.
colôr blanc o grîs une vore clâr e slusint:
il vert des malghis e l'arint des cretis cuviertis di nêf (Pieri Somede dai Marcs, Co une vôs e clame)
Sin. colôr di arint
-
s.m.
ogjet di arint o che al somee di arint:
none Lise, sentade da cjâf de taule, e cjalave cun gust l'arint che al slusive su la tavaie e no i someave nancje vêr che la camarele - grumâl blanc e creste inriçade - i domandàs ce che i plaseve di mangjâ (Maria Forte, Cjase di Dalban);
al si disfave in sudôr parsore l'incuin par slissâ un fier di vuarzine o une pale o un pâr di batadoriis, fintremai che a lusivin come un arint (Josef Marchet, Lis predicjis dal muini);
al raspave chel arint [dal pes a pene cjapât] che i saltave vîf tes mans cui voi che a cimiavin gust (Maria Forte, Cja Dreôr)
-
s.m.
intal lengaç sportîf, medaie di arint, premi dât a cui che al rive tal secont puest tune competizion e par estension la seconde posizion e cui che al rive te seconde posizion:
ancje te bale a svol la Slovenie e à vinçût un arint (Luciano Lister, Un altri sucès sportîf pe Slovenie)
Polirematichis e espressions idiomatichis