Dizionari de Lenghe Furlane

archetip  /-è-/  ar|che|tip  [CO, TS]

1. s.m. [TS] filos. model preesistent e origjinari:  la union des aghis primigjeniis cu lis ideis dal archetip divin (Mario Turello, Il brevet)
2. s.m. [TS] psic. simbul o forme di pinsîr che e je proprie de nature umane e che duncje e je condividude a nivel incussient di ducj i individuis e di ducj i popui:  lis sugjestions universâls des flabis e dai mîts plui ancestrâi e fondatîfs: chei archetips che Jung, il grant psicoanalist, al diseve che a fossin scuindûts e platâts tes pleis de nestre anime (Angelo Floramo, Anime e tiere, sunsûr e pôre te art visionarie di Ivan Bidoli)
3. s.m. [TS] filol. manuscrit origjinâl e pierdût, che al è la origjin des copiis che a son stadis fatis dopo
4. s.m. model origjinari esemplâr o element che al corispuint e che al rapresente in maniere perfete chel model:  ducj a cognossin [Dracula] tant che archetip dal vampîr (Raffaele Serafini, Dree Venier, "Dracula di Abraham Stoker")