Dizionari de Lenghe Furlane

anticuari  /-cuà-/  an|ti|cua|ri  [CO]

1. s.m., adi. cui che al fâs colezion o cumierç di robis antighis:  al comprave antigaiis e lis vendeve ai anticuaris di Udin (Carlo Sgorlon, Prime di sere)
2. adi. di alc, che al è antîc e interessant par colezioniscj o apassionâts:  al vent libris e materiâl anticuari (Donato Toffoli, Il lunari mai jessût - Tellini te prime vuere mondiâl)
   
   1. che al à a ce fâ cun materiâl antîc:  aes astis anticuariis un di chei volums al è stât paiât fin a 3 mil euros (Walter Tomada, Il furlan tant che dialet cence une tradizion leterarie. Biel mût di onorâ Pasolini!)
3. s.m. [BF] (fig.) cui che al à manieris di fâ, di vistîsi e v.i. fûr di mode, dai timps passâts

Polirematichis e espressions idiomatichis

• librarie anticuarie loc.s.f.