antichitât
an|ti|chi|tât
[AF]
-
s.f.
la ete antighe, la ete storiche che e va de fin de protostorie al principi de ete di mieç:
in dute la antichitât e la etât di mieç la «via barbarorum» e fo simpri o chê dal litorâl o il cjanâl dal Nadison (Josef Marchet, Cuintristorie dal Friûl fin sot la Italie);
une des carateristichis dal pinsîr umanistic rinassimentâl al è il tornâ aes lidrîs de civiltât, ven a stâi al mont classic cu la riscuvierte dai filosofs de antichitât (Fabian Ros, La invenzion dal stât)
Var. antighitât
-
i timps passâts, i timps antîcs in gjenerâl, cence une determinazion storiche precise:
«Cun ce trionf» continuava l'oratôr, «cun ce gloria no ti avaran ricevût i grancj trapassâts de la antighitât [...]» (Zuan Luîs Filli, Il grant citadin)
-
s.f.
il vê une vore di timp, il jessi di un timp passât aromai lontan:
[...] la antichitât di pieris e mûrs, parie cu la dignitât des costruzions modernis, a esprimin, cuissà parcè, une maluserie, un dûl sutîl ta la atmosfere (Lelo Cjanton, Manià);
a la antichitât dai autôrs e dai tescj, si veve di zontâ la anzianitât dai professôrs (Antoni Beline, La fabriche dai predis)
-
s.f.
spec. tal pl., ogjet antîc:
a rivuart di antichitâts religjosis dal cristianisim, a Aquilee si puedin cjatâ une vore di robis interessantis (Franc Fari, Il cjâf dai furlans);
la mê cjase gnove e mancje di antichitâts (Meni Ucel, Antichitâts)
Cfr. repert
, antigaie
, anticuariât