Dizionari de Lenghe Furlane

amonî  a|mo|nî  [BF]

1. v.tr. visâ, soredut cun autorevolece, cdn. che al è daûr a falâ o a compuartâsi intune maniere che no va:  [il Senât] al improibì la recite […] dant ordin di brusâ ducj i manifescj, amonint il cjâf comic di no puartâ in sene lavôrs su lis robis sacris, par vie che e jere une profanazion (Bepi Agostinis, Storie e cronistorie dal teatri in Friûl)
   Var. munî¹
2. v.tr. [TS] dir. fâ une osservazion formâl a cdn. che al è in posizion subordenade par vie di une mancjance
   
   1. sport visâ e cjapâ note di un fal grâf e antisportîf, che se al ven ripetût al compuarte la espulsion:  Pasa al fâs un fal a dam di Gargiulo e Colombo, che lu veve za amonît, al tire fûr ancjemò il cartelin zâl e po ancje chel ros (Marc Stolf, Pordenone - Lecce 0-1)