ambassadôr
am|ba|ssa|dôr
[CO]
-
s.m.
cui che al puarte un messaç o al fâs tratativis in rapresentance di un sovran o di une comunitât:
il Parlament de Patrie dal Friûl al mandà ambassadôrs a Vignesie par dî al dôs di no meti une tasse su la sede (Adrian Cescje, Liniis di storie sociâl e economiche dal Friûl 1500 - 1800)
Var. imbassadôr
-
s.m.
funzionari che al ten lis relazions diplomatichis cuntun stât forest:
l'Ambassadôr dal Iran in Italie (Carlo Sgorlon, Ombris tal infinît);
une grande fieste, che e àn invidât fintremai un vescul, e ambassadôrs, parlamentârs e tante altre int in grant... (Renzo Vidoni, Energjie ecologjiche)
-
s.m.
(fig.)
cui che si pues calcolâ rapresentant di une idee, di un valôr, di une comunitât e v.i. ancje cence incjariis uficiâls:
la siore Lidia [Bastianich] si è concuistade la nomee di ambassadore dal mangjâ talian (Margherita Timeus, Lidia Bastianich)
Proverbis:
- ambassadôr nol puarte pene
