Dizionari de Lenghe Furlane

ai¹  ai  [AF, TS]

1. s.m. bot.com. plante de famee des Amarilidaciis, lat. sient. Allium sativum, tignude tai orts, in particolâr pe cjavece formade di plui spîs, che si doprin in cusine, cuntun savôr fuart e becant, e che a àn ancje proprietâts antibaterichis e curativis:  lis saradelis, gjavade la spine, si metin in padiele, e si cuincin cuntun fîl di vueli, asêt, pevar, mazorane secjade e ai (Emilia Baldassarre, Ort e cusine); il flât che al puçave di ai e di sgnape (Alan Brusini, Par stradis lungjis)

Polirematichis e espressions idiomatichis

• fonc dal ai loc.s.m.
• mandâ a fâsi jemplâ il cûl di ai loc.v.

Proverbis:

• cui che al mangje ai i puce il flât