Dizionari de Lenghe Furlane

agrât  a|grât  [AF]

1. s.m. sintiment di ricognossince, di preseament par un plasê che si à vût, par un benefici e v.i.:  ju abraçà a strent, par dîur la sô contentece e il so agrât (Maria Forte, Cjase di Dalban); o vevis di viodi la prudence e l'agrât di chei sindics! [pe autoritât dal cont] (Riedo Pup, Il compromesso)
   Sin. ricognossince , gratitudin
2. adi.inv. plen di ricognossince:  la tierce fie vot dîs dopo i dîs al siôr: "Al viôt che jo o ten dut in ordin, lu ubidìs in dut, e cussì i sarès agrât se al puartàs une altre cosse di robe a gno pari" (Andreina Nicoloso Ciceri, Trê sûrs - Racconti popolari friulani I); Tomâs al cjapà la man di jê tes sôs e je strenzè a fuart, agrât pes peraulis che i veve dit (Mario De Apollonia, Il timp par ledrôs)
   Var. grât²

Polirematichis e espressions idiomatichis

• jessi agrât loc.v.
• savê agrât loc.v.
• vê agrât loc.v.