Dizionari de Lenghe Furlane

adoradôr  a|do|ra|dôr  [CO]

1. s.m., adi. che, cui che al rint onôr a une divinitât:  i vêrs adoradôrs a adoraran il Pari in Spirt e veretât; e di fat il Pari al va a cirî int che lu adori cussì (Antoni Beline, Sant Jacum, là che al finìs il mont)
2. s.m., adi. (fig., iperb.) che, cui che al à une vore di amirazion, stime, afiet e v.i. par cdn.:  l'idul di Mazzini o dai liberâi unitaris che e àn fabricât la barache taliane dal ‘48 al 1918, al è un idul di crep che al scomence a mostrâ sclapaduris di ogni bande, ancje se i restin ancjemò une vorute di fanatics adoradôrs (Josef Marchet, Nazionalismo: muart in vuere)
3. s.m., adi. (fig., iperb.) che, cui che al à une vore di considerazion par alc, che al calcole alc plui impuartant di cualsisei altre robe:  adoradôrs dal Diu Bêç (Raffaele Serafini, Soreli jevât a mont)