ad imprest
[CO]
-
loc.av., loc.adi.
tant che prestit, cuntun passaç di possès o di ûs temporani, ma no di proprietât, o cuntun acuardi che al previôt che alc di prestât al sedi tornât o che al sedi tornât alc che al è ecuivalent:
e jere puare, e jere lade a domandâ bêçs ad imprest par une cjavrute che jai tornave [al paron] cul formadi un pôc a la volte (Dino Virgili, La aghe da pît la cleve);
jo cumò o voi in cuatri salts a cirî ad imprest un scjipi di farina (Luigi Gortani, Il pulç e la pulça)
-
(fig.)
cjapant o vint alc che nol fâs part di ce che si à simpri:
al stave simpri ben dongje di jê, che al jere come vê ad imprest une ore cuiete (Maria Forte, La tiere di Lansing)
-
(fig.)
doprant alc che al è stât fat, dit, pensât di cdn. altri o che al è ispirât di cdn. altri o di alc altri:
a son lis pituris plui bielis, ancje parcè che a son plui facilis di lei, e che ti tirin dentri par vie dal lôr insisti sui particolârs naturalistics, cjapâts ad imprest dai nordics Julius Lange, Andreas Achenbach, Alexandre Calame […] (Mainardo Benardelli, Un pitôr inedit dal Votcent furlan)
Components: