acont /-ònt/ a|cont [CO]
- s.m. prime part di un paiament che si fâs in plui voltis, dade prime dal acuist o dal inizi dal servizi: al jere passât di li un a dî che al faseve biei ingrandiments e al veve savût tant ben zingarâ la puare femine, che i veve dât chê uniche fotografie e un acont, si capìs, e dopo no veve viodût plui ne chest ne chel (Jolanda Mazzon, Di là de rêt); un minût dopo a son a domandâ - cjapiel in man e panze indentri - trop che al sarès di dâ di acont par podê fâ l'afâr (Raffaele Serafini, Altris contis di famee)