Dizionari de Lenghe Furlane

a palpe    [CO]

1. loc.av. tocjant cu lis mans, soredut in cundizions li che no si pues viodi e li che si doprin lis mans par vê percezion dal spazi:  al veve cirût a palpe il pavêr e lu veve impiât (Gianni Gregoricchio, Lilie); un coridôr lunc, o voi indenant a palpe cui braçs slungjâts indenant. O voi cuintri alc, no sai ce (Stefano Gasti, Voi celescj)
   Sin. a tast
2. loc.av. daûr di ce che si pues prossumâ:  [...] cirint di fâ suspirâ plui che resonâ e dividint la int fra inocentiscj e colpevoliscj ancje cence nissune cognizion obietive, ma cussì, a nâs, a sensazion, a impression, a palpe (Antoni Beline, Il buratinâr catodic)
   Sin. a voli , a voli e crôs , a nâs , a voli di nâs

Components:

• palpe s.f.