Americhe
/-è-/
A|me|ri|che
[FO]
-
s.f.
continent che al è jenfri Ocean Atlantic e Ocean Pacific, ancje tal pl.:
lâ intun lûc lontan come la Americhe o la Australie, dulà che nissun lu cognosseve (Carlo Sgorlon, Il dolfin);
so om al è scjampât pes Americhis e no si è plui impensât di jê (Josef Marchet, Lis predicjis dal muini)
Var. Meriche
-
s.f.
(par anton.)
i Stâts Unîts di Americhe:
o vin plui gjenerâi nô che no la Americhe e la Russie insiemi (Riedo Pup, A Livorno une buse ta la aghe)
-
s.f.
situazion o ocasion di bondance e di benstâ:
i Rus lu àn fidât ai Americans e cui Americans e jere propit la Americhe rude (Ivano Urli, Storie di Min)