çatâ
ça|tâ
[CO]
-
v.intr.
di une plante, mandâ fûr çatis, fâ tantis butadis gnovis a pene parsore des lidrîs:
une plante, che si slargje e si multipliche in dôs manieris, cul çatâ al infinît plui ben de grame e de forcule, e cul spandi un nûl di semençutis plui finis de voladie (Giuseppe Ferdinando del Torre, Il contadinel. Lunari par l'an 1861)
Sin. imbarî
-
v.intr.
(fig.)
ancje no di une plante, cjapâ fuarce, cjapâ pît:
al po sucedi lenti ca che tai vues e dentri la anime di cualchi presonîr e çati la fumate di une strache simpri plui fisse e penze, tant fisse di rivâ adore a distudâ des voltis la gole di vivi (Ivano Urli, Storie di Min)